साउन-२९
रसुवा र नुवाकोटका प्रमुख जिल्ला अधिकारीसहितको संयुक्त टोलीले हालैको वर्षा र पहिरोका कारण क्षति पुगेका सडक क्षेत्रको स्थलगत अनुगमन गरेको छ। टोलीले प्रभावित स्थानहरूको विस्तृत अवलोकन गर्दै तत्काल मर्मतका लागि सम्बन्धित निकायहरूलाई कार्यजिम्मेवारी तोकेको जनाएको छ।
अनुगमन टोलीमा दुवै जिल्लाका प्रमुख जिल्ला अधिकारी, सुरक्षा निकायका प्रतिनिधि, सडक विभागका प्राविधिक तथा स्थानीय निकायका पदाधिकारी सहभागी थिए। टोलीले सडक अवरुद्ध भएर यातायात प्रभावित भएका स्थानमा प्राथमिक मर्मत कार्यलाई तत्काल सुरु गर्न निर्देशन दिएको छ।
सडक मर्मतका लागि आवश्यक जनशक्ति, उपकरण तथा बजेट व्यवस्थापनबारे समेत छलफल गरी, जिम्मेवारी तोकिएकाहरूले निर्धारित समयभित्र काम सम्पन्न गर्न प्रतिबद्धता जनाएका छन्। अनुगमन टोलीका अनुसार सडक पुनः सञ्चालनमा आएपछि आपूर्ति सहज हुने र स्थानीयको दैनिक आवागमनमा सहजता आउने अपेक्षा गरिएको छ।
यो खबर पढेर तपाईलाई कस्तो महसुस भयो?
