साउन-२९
काठमाडौं–तराई–मधेस द्रुतमार्ग (फास्ट ट्र्याक) आयोजना हालसम्म ४३ प्रतिशत काम सम्पन्न भएको छ। नेपाली सेनाले निर्माण कार्य अगाडि बढाइरहेको उक्त राष्ट्रिय गौरवको आयोजनामा हालसम्म करिब आधा काम सकिएको छ।
नेपाली सेनाका अनुसार सुरुङ, पुल तथा सडक खण्डको काम विभिन्न चरणमा तीव्र गतिमा भइरहेको छ। द्रुतमार्गको कुल लम्बाइ ७२.५ किलोमिटर रहेको छ, जसमा ६ वटा ठूलो पुल, ११ वटा सुरुङ र अन्य संरचना बन्नेछन्।
आयोजनाको लागत करिब २१५ अर्ब रुपैयाँ अनुमान गरिएको छ। सबै काम समयमै सम्पन्न भएमा यो द्रुतमार्गबाट काठमाडौंदेखि तराईसम्मको यात्रा करिब एक घण्टामा सम्भव हुनेछ।
हाल आयोजनामा आवश्यक सामग्री आपूर्ति, सडक कटान, पक्की संरचना निर्माण, र प्राविधिक परीक्षणको काम भइरहेको छ। तर, भूगर्भीय चुनौती, मौसम र जग्गा अधिग्रहणका कारण केही भागमा ढिलाइ भएको सेनाले जनाएको छ।
द्रुतमार्ग पूरा भएपछि मुलुकको यातायात प्रणालीमा ठुलो सुधार हुने, व्यापार, पर्यटन र आपतकालीन सेवामा सहजता आउने अपेक्षा गरिएको छ। नेपाली सेनाले आगामी वर्षभित्र कामको प्रगति ७० प्रतिशत पुर्याउने लक्ष्य राखेको छ।
यो खबर पढेर तपाईलाई कस्तो महसुस भयो?
