रामेछाप जिल्ला, लिखु तामाकोशी गाउँपालिका–४ रात्माटा निवासी २२ वर्षीय युवा तथा उत्कृष्ट भलिबल खेलाडी रोशन मगर हाल गम्भीर स्वास्थ्य समस्यासँग जुधिरहेका छन्। बागमती प्रदेशस्तरमा समेत खेलाडीको रूपमा सम्मानित रोशन अहिले मिर्गौला सम्बन्धी जटिल रोगका कारण उपचाररत छन्।
चिकित्सकको रिपोर्ट अनुसार उनको दाहिने मिर्गौलामा गम्भीर समस्या देखिएको छ, जसमा मिर्गौला अत्यधिक सुन्निएको (hydonephrosis) र काम गर्न नसक्ने अवस्थामा पुगेको उल्लेख गरिएको छ। हाल उनको एउटा मिर्गौलाले काम गर्न छाडेको (unilateral kidney failure) अवस्था रहेको छ। उपचारका लागि तत्काल ठुलो आर्थिक खर्च आवश्यक पर्ने चिकित्सकले बताएका छन्।
विगत केही समयदेखि निरन्तर उपचार गराइरहेका रोशनको पारिवारिक तथा आर्थिक अवस्था कमजोर भएकाले उपचार खर्च धान्न असमर्थ भएका छन्। खेलकुदमार्फत देश र जिल्लाको नाम चिनाएका एक होनहार खेलाडी आज आफ्नै जीवन रक्षाका लागि सहयोगको अपेक्षामा छन्।
रोशन मगरले भावुक अपिल गर्दै भनेका छन्—
“मेरो उपचारका लागि ठुलो रकम आवश्यक परेको छ। मेरो आर्थिक अवस्था कमजोर भएकाले आफैंले उपचार खर्च जुटाउन सक्ने अवस्था छैन। कृपया सबैले आफ्नो क्षमता अनुसार सहयोग गरिदिनुहुन हार्दिक अनुरोध गर्दछु।”
यस कठिन घडीमा देश-विदेशमा रहनु भएका नेपाली दाजुभाइ तथा दिदीबहिनीहरूलाई मानवताको आधारमा सहयोग गर्न अपिल गरिएको छ। तपाईंहरूको सानो सहयोगले एक युवा खेलाडीको जीवन बच्न सक्छ।
**सहयोग गर्ने माध्यम:**
Bank – Laxmi Sunrise Bank Ltd.
AC No. 2981659111045001
AC Name – Reshma Magar
eSewa – 9748271834
सम्पर्क न. 9767251625
तल दिइएका QR कोडमध्ये कुनै एक प्रयोग गरी आर्थिक सहयोग गर्न सक्नुहुनेछ।
**“सहयोग नै जीवन हो — तपाईंको साथ, रोशनको आशा”**
यो खबर पढेर तपाईलाई कस्तो महसुस भयो?
