साउन ४
काठमाडौं-मन्त्रिपरिषद्को बैठकमा नेपाली कांग्रेस नेतृ विद्या भट्टराई र शेखर कोइरालाको नाम चर्चा गरियो। पछिल्लो समय पार्टीभित्रको गुटगत गतिविधि र आगामी सरकार निर्माणका सन्दर्भमा यी नेताहरूको सक्रियता विषय बनेको हो।बैठकमा सहभागी एक मन्त्रीका अनुसार केही मन्त्रीहरूले शेखर समूहको बढ्दो चहलपहल र विद्याको सार्वजनिक अभिव्यक्तिबारे जिज्ञासा राखेका थिए। खासगरी संसदीय दलभित्र शेखर समूहको बढ्दो प्रभाव र त्यसले पार्टी नेतृत्वलाई दिएको दबाबबारे छलफल भएको जनाइएको छ।बैठकमा प्रधानमन्त्रीले उक्त विषयलाई सिधै टिप्पणी नगरे पनि ‘पार्टीभित्र संवाद आवश्यक छ’ भन्दै सन्तुलित धारणा राखेका थिए। यस्तै, केही मन्त्रीहरूले पार्टी एकता मजबुत बनाउन नेतृत्वले अग्रसरता लिनुपर्ने धारणा राखेका थिए।भित्रभित्रै चलिरहेको शक्ति समीकरण र संभावित मन्त्रीपरिषद पुनर्गठनको सन्दर्भमा विद्या भट्टराईको नाम पनि चर्चामा आएको हो। उनका निकट नेताहरूले उनलाई मन्त्री बनाउने तयारी भइरहेको दाबी गर्दै आएका छन्।मन्त्रिपरिषद बैठकमा प्रत्यक्ष निर्णय नलिए पनि शेखर–विद्या समूहको राजनीतिक सक्रियता सत्ता गठबन्धनभित्र असर पार्न सक्ने संकेत देखिएको छ।
यो खबर पढेर तपाईलाई कस्तो महसुस भयो?
