साउन ८
धनुषा — धनुषा जिल्लाको गणेशमान चारनाथ नगरपालिका–५ मा सिँचाइ गर्ने क्रममा करेन्ट लागेर एक किसानको मृत्यु भएको छ।
मृत्यु हुनेमा ४५ वर्षीय स्थानीय किसान रामविलास यादव रहेका छन्। बिहीबार बिहान खेतमा सिँचाइका लागि मोटर चलाउने क्रममा विद्युत् प्रवाह भएको मोटरको तारबाट करेन्ट लागेर उनी गम्भीर घाइते भएका थिए।घटनापछि परिवार र छिमेकीहरुले उनलाई तत्काल जनकपुरस्थित प्रादेशिक अस्पताल पुर्याए पनि उपचारको क्रममा उनको ज्यान गएको प्रहरीले जनाएको छ।
स्थानीयवासीका अनुसार खेतमा प्रयोग भइरहेको मोटरको तारमा लिकेज रहेको आशंका गरिएको छ। यद्यपि घटनाबारे विस्तृत अनुसन्धान भइरहेको जिल्ला प्रहरी कार्यालय धनुषाले जनाएको छ।विद्युत सुरक्षाको सावधानी नअपनाउँदा हरेक वर्ष यस्ता दुर्घटना हुने गरेका छन्।
स्थानीय सरकारले किसानलाई सुरक्षित सिँचाइ उपकरण र चेतना कार्यक्रम उपलब्ध गराउनुपर्ने माग पनि उठ्न थालेको छ।
यो खबर पढेर तपाईलाई कस्तो महसुस भयो?
