रामेछाप — रामेछापको खाँडादेवी गाउँपालिका–९ पिँङ्खुरीमा नेकपा एमाले परित्याग गरी ठूलो संख्यामा कार्यकर्ता नेपाली कांग्रेसमा प्रवेश गरेका छन्।
पूर्व वडा अध्यक्षको नेतृत्वमा एमालेका कार्यकर्ताहरू कांग्रेसमा प्रवेश गरेका हुन्।
नेपाली कांग्रेस रामेछापका प्रतिनिधिसभा उम्मेदवार रामचन्द्र खड्काको चुनावी प्रचार तथा घरदैलो कार्यक्रमअन्तर्गत आइतबार पिँङ्खुरीमा आयोजित कार्यक्रममा उनीहरू कांग्रेसमा प्रवेश गरेका हुन्।
कांग्रेसका अनुसार एमाले परित्याग गरी पार्टी प्रवेश गर्नेहरूमा पूर्व वडा अध्यक्ष सुवास भण्डारीसहित करिब ४० जना रहेका छन्।
नवप्रवेशी कार्यकर्ताहरूलाई उम्मेदवार खड्का तथा पार्टी कार्यवाहक जिल्ला सभापति नवराज थाेकरले खादा लगाएर स्वागत गरेका थिए। सो अवसरमा उम्मेदवार खड्काले अन्य दलबाट निरन्तर कार्यकर्ता कांग्रेस प्रवेश गरिरहेको भन्दै यसले निर्वाचनमा सहज जित सुनिश्चित गर्ने विश्वास व्यक्त गरे।
यो खबर पढेर तपाईलाई कस्तो महसुस भयो?
