२०८१ साउन १६ गते
काठमाडौं । बल्खु खोलाको बाढीमा परी एकजनाको मृत्यु भएको छ । बल्खु पुलमुनि अडकिएको अवस्थामा ४५ वर्षीय बाँकेका रामस्वरुप महतोको शव भेटिएको प्रहरीले जनाएको छ ।
काठमाडौँ उपत्यका प्रहरी कार्यालयका प्रवक्ता दिनेशराज मैनालीका अनुसार काठमाडौँको सुकुम्बासी टोलमा बस्दै आएका निजको बाढीमा परी मृत्यु भएको हो । मृतकका परिवार प्रहरीको सम्पर्कमा आएकाले उनीहरूलाई शव बुझाउने तयारी भएको छ ।
काठमाडौँ उपत्यकामा गए राति मुसलधारे वर्षा भएपछि वाग्मती र यसका सहायक हनुमन्ते, मनोहरा, धोबीखोला, गोदावरी, विष्णुमती, नक्खु, बल्खुखोलालगायत सबैमा जलसतहले खतराको तह पार गरेको थियो ।
यो खबर पढेर तपाईलाई कस्तो महसुस भयो?
