२०८१ असोज ६ गते
रामेछाप ।रामेछापको मन्थली नगरपालिका वडा नं ५ सुनारपानीमा बोलेरो गाडी दुर्घटना भएको छ । सदरमुकाम मन्थलीबाट वडा नं ४ सालु जाँदै गरेको बा १८ च १८३९ नम्बरको बोलेरो गाडी दुर्घटनामा परेको हो ।
गाडी दुर्घटनामा परी वडा नं ४ सालुका वडा सदस्य पदम मायाँ नेपालीको मृत्यु भएको वडा नं ५ का वडाअध्यक्ष नविन कार्की (रबिन) ले बताउनुभयो । उहाँको अनुसार घाइते ५ जनाको उपचार रामेछाप सामुदायिक अस्पतालमा भइरहेको छ ।
घाइते मध्ये २ जनाको अवस्था गम्भिर रहेको उहाँले बताउनुभयो । घटनाको विस्तृत विवरण भने आउन बाँकी छ ।
यो खबर पढेर तपाईलाई कस्तो महसुस भयो?
