दार्चुला, २०८२ असार २२
सुदूरपश्चिम प्रदेशअन्तर्गत पर्ने दार्चुला जिल्लाको नौगाँड गाउँपालिका–०६ मा पछिल्ला वर्षहरूमा विकासको गति उल्लेखनीय रूपमा तीव्र भएको छ। स्थानीय सरकार गठनपश्चात् ग्रामिण भेगमा सञ्चालित पूर्वाधार, शिक्षा, स्वास्थ्य, खानेपानी र कृषि क्षेत्रमा जनताले प्रत्यक्ष लाभ लिन थालेका छन्।
स्थानीय जनप्रतिनिधिहरूका अनुसार, वडामा हालसम्म ८ किलोमिटर ग्रामीण सडक निर्माण भइसकेको छ भने ५ किलोमिटर पुरानो बाटोलाई मर्मत तथा स्तरोन्नति गरिएको छ। यसले स्थानीय जनताको दैनिकीमा सहजता ल्याएको छ।शिक्षा क्षेत्रमा पनि उल्लेखनीय सुधार देखिएको छ। नौगाँड–०६ मा रहेका विद्यालयहरूमा नयाँ भवन निर्माण, शैक्षिक सामग्री वितरण, तथा दक्ष शिक्षकको व्यवस्था गरिएकाले बालबालिकाको पठन–पाठनमा सुधार आएको अभिभावकहरू बताउँछन्। एक स्थानीय विद्यालयका प्रधानाध्यापकका अनुसार, “पहिला कक्षा कोठा कम र पठन–पाठन कमजोर थियो, अहिले विद्यार्थीको उपस्थिति र नतिजा दुबै राम्रो हुँदै गएको छ।”स्वास्थ्य सेवा पनि क्रमशः विस्तार हुँदै गएको छ। वडामा रहेको स्वास्थ्य चौकीमा आवश्यक औषधि, स्वास्थ्यकर्मी र जाँच सेवाहरू उपलब्ध छन्। नियमित खोप कार्यक्रम, मातृ तथा शिशु स्वास्थ्य सेवा सञ्चालन गरिएको छ।खानेपानी तथा सरसफाइतर्फ पनि ग्रामीण खानेपानी योजनाहरू सञ्चालनमा आएका छन्। केही टोलमा पानी ट्यांकी निर्माण र धारा जडान गरिएको छ, जसले स्वच्छ खानेपानीको पहुँच पुर्याएको छ।कृषि तथा रोजगारीतर्फ, वडा कार्यालयले स्थानीय कृषकलाई बीउबिजन, तालिम र औजार वितरण गर्दै आएको छ। युवाहरूलाई स्वरोजगारमुखी योजना तथा तालिममार्फत व्यवसायमा प्रोत्साहन गरिएको छ।स्थानीय वडाध्यक्षका अनुसार, “हामी स्रोत, सीप र आवश्यकता अनुसार सन्तुलित विकास गर्न प्रयासरत छौं। जनताको विश्वास र सहभागिता नै हाम्रो बल हो।”यद्यपि, दुर्गम भौगोलिक अवस्था, स्रोत अभाव र प्रविधिको कमीका कारण केही विकास योजना अझै कार्यान्वयनको पर्खाइमा छन्।
यो खबर पढेर तपाईलाई कस्तो महसुस भयो?
