साउन ५
बंगलादेशको राजधानी ढाकास्थित एक विद्यालय भवनमा वायुसेनाको एउटा सैन्य विमान दुर्घटनाग्रस्त हुँदा कम्तीमा १६ जनाको मृत्यु भएको छ भने १५० भन्दा बढी व्यक्ति घाइते भएका छन्।
सैन्य अधिकारीहरुका अनुसार विमान नियमित अभ्यासका क्रममा रहेको बताइएको थियो। प्राविधिक गडबडीका कारण नियन्त्रण गुमाउँदै विमान विद्यालयको भवनमा ठोक्किएको हो।
दुर्घटना हुँदा कक्षा संचालन भइरहेकाले ठूलो संख्यामा विद्यार्थी तथा शिक्षकहरू प्रभावित भएका छन्।घाइतेहरूलाई नजिकैको विभिन्न अस्पतालहरूमा लगिएको छ। केहीको अवस्था गम्भीर रहेको अधिकारीहरूले जनाएका छन्। उद्धार कार्यमा सेना, प्रहरी र दमकल टोली खटिएका छन्
।प्रधानमन्त्री शेख हसिनाले घटनाप्रति दुःख व्यक्त गर्दै मृतकप्रति श्रद्धाञ्जली र पीडित परिवारप्रति समवेदना प्रकट गरेकी छन्। साथै, घाइतेहरूको तत्काल उपचारका लागि आवश्यक सबै व्यवस्था गर्न सम्बन्धित निकायलाई निर्देशन दिइएको छ।विमान कुन प्रकारको थियो र त्यसमा कति जना चालकदल थिए भन्ने विषयमा विस्तृत जानकारी आउन बाँकी छ।
यस विषयमा अनुसन्धान सुरु गरिएको बंगलादेश वायुसेनाले जनाएको छ।
यो खबर पढेर तपाईलाई कस्तो महसुस भयो?
